အမျိုးသားများအတွက် အာဟာရ

       

လူသားတို့ တစ်နေ့တာ စားသုံးသော အစားအစာများသည် အရသာရှိရုံသာမက ကျန်းမာရေးအတွက် အထောက်အကူပေးခြင်း ရောဂါများကို ကာကွယ်ပေးခြင်း များကိုပါ ဖြစ်ပေါ်စေပါက လွန်စွာ အဖိုးတန်ပေမည်။ တစ်ခါတစ်ရံတွင်
လူသားတို့စားသုံးနေသော အစားအစာများသည် ကျန်းမာရေးနှင့် မညီညွတ်ခြင်း သို့မဟုတ် အရသာရှိသော်လည်း အာဟာရမဖြစ်စေခြင်း တို့ရှိတတ်ပေသည်။
ကျန်းမာရေးနှင့် ညီညွတ်သော အစားအစာများကို စားသုံးကာ ကိုယ်လက် လှုပ်ရှားမှုများကို ပြုလုပ်ခြင်းဖြင့် နှလုံးရောဂါနှင့် တကွ အခြားသော ရောဂါများဖြစ်ပွားနိုင်သည့် နှုန်းကိုလျော့ကျစေပါသည်။

အမျိုးသမီးများသည် ကိုယ်ဝန်ဆောင်စဉ်တွင် အာဟာရပြည့်စုံစွာ စားသုံးရန် ၊ ရင်သား ကင်ဆာဖြစ်ပွားမှုကို ကာကွယ်ရန် ကျန်းမာရေးနှင့်ညီညွတ်သော အာဟာရများကို စားသုံးရန် စသည်ဖြင့် လိုအပ်သလို အမျိုးသားများတွင်လည်း ကိုယ်ခန္ဓာ ကြံ့ခိုင်ဖွံ့ဖြိုးပြီး ယောင်္ကျားပီသရန် ၊ ဆီးကျိတ်ကင်ဆာနှင့် အခြားသော ရောဂါများကို ကာကွယ်ရန် အလို့ငှာ အာဟာရပြည့်စုံသော အစားအစာများကိုစားသုံးသင့်ပါသည်။

၎င်းတို့မှာ…

၁။ ခရု ၊ ကမာ စသော ပင်လယ်စာများ

တစ်နေ့လျှင် ကမာကောင်၊ ကမုတ်ကောင် အနည်းငယ်စားသုံးဖြင်းဖြင့် ရောဂါဖြစ်ပွားမှုကို ကာကွယ်ပေးသော ဇင့် ဓါတ်ကို တစ်နေ့တာ လိုအပ်ချက်နှင့် အညီ လုံလုံလောက်လောက် ရရှိမည်ဖြစ်သည်။ ဇင့်သည် ခန္ဓာကိုယ်၏ လုပ်ငန်းစဉ်ပေါင်းများစွာတွင် သာမက ဆဲများကို ပြုပြင်ရာတွင် အသုံးပြုသော DNA ကိုထုတ်ပေးရာတွင်လည်း ဇင့် ပါဝင်ပါသည်။
လေ့လာချက်များအရ ခန္ဓာကိုယ်တွင် လိုအပ်နေသော ဇင့်ပမာဏကို ပုံမှန်စားသုံးလျှင် ဆီးကျိတ်ကင်ဆာကို ဖြစ်စေနိုင်သော ဆဲလ်များ ပျက်စီးမှု ကိုကာကွယ်ခြင်း၊ အမျိုးသားများ၏ လိင်ပိုင်းဆိုင်ရာ ဖွံ့ဖြိုးမှုတွင် လိုအပ်သော ဆဲလ်ပျက်စီးမှုများကို ကာကွယ်နိုင်ခြင်း ၊ သုတ်ပိုး ပမာဏ များပြားလာအောင် ပြုလုပ်ပေးနိုင်ခြင်း စသည့် အကျိုးကျေးဇူးများကို ဖြစ်စေပါသည်။ ထို့ကြောင့် အမျိုးသားများသည် တစ်နေ့တာလျှင် ဇင့်ပါသော အစားအစာများဖြစ်သည့် အကျည်းခွံပါသောငါး ၊ သို့မဟုတ် အမဲသား၊ အဆီလွတ် ၀က်သားများကို တစ်နေ့လျှင် ၁၁ မီလီဂရမ် ခန့်စားသုံးသင့်ပါသည်။

၂။ ငှက်ပျောသီး

 

ငှက်ပျောသီးတွင် အာရုံကြော စနစ်ကို ကောင်းမွန်စေသော၊ နှလုံး ခုန်ခြင်းကို မှန်စေသော၊ သွေးပေါင်ချိန်ကိုမှန်စေသော ပိုတက်စီယမ်ဓါတ် ကြွယ်ဝစွာပါဝင်သည်။ ငှက်ပျောသီး ကဲ့သို့ ပိုတက်စီယမ်နှင့် မက်ဂနီစီယမ် ဓါတ်များစွာ ပါဝင်သော သစ်သီးများကို ကို စားသုံးခြင်းသည် လေဖြတ်ခြင်း ကိုလည်း လျော့နည်းစေပါသည။် ထို့အပြင်တွင် ငှက်ပျောသီးတွင် vitamin B 6 ပါဝင်သောကြောင့် ကိုယ်ခံအားစနစ်ကို ကောင်းစေခြင်း၊ သွေးနီဥ ဖြစ်ပေါ်မှုကိုအားပေးခြင်း၊ အာရုံကြော စနစ် ကောင်းစေခြင်း ၊ အသားဓါတ်ဖြစ်ပေါ်မှုကို အားပေးခြင်းတို့ကိုဖြစ်စေပါ သည်။ အမျိုးသားများသည် ၎င်း တို့၏ မနက်စောစော အစာတွင် ငှက်ပျောသီးတစ်လုံး စားပေးခြင်း ကို ကိုယ်လက်လှုပ်ရှားမှု မပြုခင် ပြုလုပ်သင့်ပါသည် ။ ငှက်ပျောသီး အပြင် အခြား ပိုတက်စီယမ်ပါဝင်မှုများသော အစားအစာများဖြစ်သည့် လိမ္မော်သီးဖျော်ရည်၊ နွားနို့၊ ခရမ်းချဉ်သီးနှင့် ယင်းမှ ထွက်သော ထွက်ကုန်များ၊ ပဲအမျိုးမျိုးတို့ကို လည်းစားသုံးနိင်ပါသည်။

၃။ အိုမီဂါ 3 ဖက်တီးအက်ဆစ်

အိုမီဂါ 3 ဖက်တီး အက်ဆစ် (omega 3 fatty acid) ပါသော အစားအစာများကို စာသုံးခြင်းဖြင့် ခန္ဓာကိုယ်အတွက် လိုအပ်သော အဆီဓါတ်များကို ရရှိနိုင်ပါလိမ့်မည်။ အိုမီဂါ 3 ဖက်တီးအက်ဆစ် (omega 3 fatty acid) သည် နှလုံး ၊ သွေးလည်ပတ်မှု၊ ကိုယ်ခံအားတို့ကိုကောင်းမွန်စေခြင်းတို့ကြောင့် ဆီးကျိတ်ကင်ဆာဖြစ်ပွားမှုကို ကာကွယ်နိုင်ပါသည်။ အိုမီဂါ 3 ဖက်တီးအက်ဆစ် (omega 3 fatty acid) သည် ယောင်ယမ်းမှုကို ကျစေသော အစွမ်း အာနိသင်ရှိပြီး သွေးထဲရှိအဆီတမျိုးဖြစ်သည့် လူကို အန္တရာယ်ဖြစ်စေနိုင်သော triglyceride ပမာဏကိုလျော့ကျစေခြင်းတို့ကြောင့် အားကစားသမားများတွင်ဖြစ်တတ်သောကေိုက်ခဲမှုများကိုပျောက်စေနိုင်ခြင်း၊ အဆစ်ယောင်ခြင်းများကို လျော့ကျစေနိုင်ခြင်းကို ဖြစ်စေပါသည်။

ဆယ်လ်မွန်ငါး ၊ ဆာဒင်းငါး၊ တူနာငါး၊ မက်ကရယ်ငါး၊ ပင်လယ် ငါး အသေးစားကလေးများ စသည်တို့မှာ အိုမီဂါ3 ဖက်တီးအက်ဆစ်(omega 3 fatty acid) များစွာပါဝင်သော ငါးများဖြစ်သည်။ American Heart Association မှ လူတိုင်းတိုင်း သည် တစ်ပတ်လျှင် နှစ်ကြိမ် ယင်းအစားအစာများကို စားသုံးသင့်ကြောင်းအကြံပြုထားပါသည်။အိုမီဂါ3 ဖက်တီးအက်ဆစ်ကိုအပင်များမှရသော အစားအစာများတွင် တွေ့ရှိရသော်လည်း ငါးများတွင် အိုမီဂါ 3 ဖက်တီး အက်ဆစ်(omega 3 fatty acid) အပြင် ဗိုက်တာမင် ဒီ များစွာပါဝင်သောကြောင့်ဗိုက်တာမင်ဒီ၏ အကျိုးအာနိသင်များဖြစ်သော ကင်ဆာရောဂါကို ကာကွယ်ပေးခြင်း ၊ အမျိုးအစား ၂ ဆီးချိုရောဂါ ဖြစ်ပွားမှုကို လျော့နည်းစေခြင်း၊ သွေးတိုးရောဂါကိုကာကွယ်ပေးခြင်း၊ အရိုးပွခြင်းကို ကာကွယ်ပေးခြင်းတို့ကို ပါ လုပ်ဆောင်ပေးပါသည်။

၎။ Broccoli

Broccoli တွင် ဗိုက်တာမင် စီ၊ ဘီတာ ကယ်ရိုတင်း၊ ပိုတက်စီယမ်၊ sulphoraphane စသော ပစ္စည်းများပါဝင်သောကြောင့် နှလုံးရောဂါ၊ ဆီးကျိတ်ကင်ဆာ၊ အူမကြီး ကင်ဆာများ ဖြစ်ပွားမှုကို ကာကွယ်ပေးပါသည်။ လေ့လာချက်များအရ အစိမ်းရောင်ရှိသော အရွက်များကို စားသုံးခြင်းဖြင့် ဟိုမိုစစ်စတင်း (homocysteine) ပမာဏကို နည်းစေပြီး ၎င်း ကြောင့် ဖြစ်စေသော နှလုံးရောဂါနှင့် လေဖြတ်ခြင်းတို့ကို ကာကွယ်ပေးပါသည်။ Broccoli အပြင် ယင်းကဲ့သို့ပင် ကြွတ်ရွသော အခြားအစားအစာများဖြစ်သည့် ဂေါ်ဖီထုတ်၊ ပန်းဂေါ်ဖီ၊ စသည်တို့ကိုလည်း စားသုံးနိုင်ပါသည်။

၅။ အခွံမာသော အသီးများ

Brazil မှ ထွက်ရှိသော မြေပဲအပါအ၀င် အခွံမာသော အသီးများတွင် မက်ဂနီစီယမ် (magnesium ) နှင့် စီလီနီယမ် (selenium) စသော antioxidant များ ပါဝင်ကာ ၎င်းတို့သည် နှလုံးရောဂါ၊ ဆီးကျိတ်ကင်ဆာနှင့် အခြားသော ကင်ဆာများဖြစ်ပွားမှုကို ကာကွယ်ပေးပါသည်။ စီလီနီယမ်သည် သွေးထဲတွင်ရှိသော အန္တရာယ်ဖြစ်စေနိုင်သော အဆီဓါတ်တမျိုးဖြစ်သည့် LDL ကိုလျော့နည်းစေပြီး သွေးကြောများထဲတွင် သွေးခဲဖြစ်ပေါ်မှုကို နှောင့်နှေးစေပါသည်။ ထိုကြောင့် Brazil မှာထွက်ရှိသော အခွံမာသီး အမျိုးမျိုးကို တစ်နေ့လျှင် တစ်လုံး ကျ စားသုံးခြင်းဖြင့် စီလီနီယမ် ဓါတ် ၅၅ မီလီဂရမ်ရရှိကာ သင့်တစ်နေ့တာ လိုအပ်မှုကို လုံလောက်စေကြောင်း လေ့လာသူများက ပြောကြားခဲ့ပါသည်။

 

၆။ ဂျုံ နှင့် ဆန်

ဂျုံနှင့် ဆန်တွင် အမျှင်ဓါတ် ၊ ဗိုက်တာမင် (vitamin) ၊ မင်နရယ် (minerals) နှင့် အခြား အကျိုးဖြစ်စေသော ပစ္စည်းများပါဝင်သောကြောင့် နှလုံး ကျန်းမာရေး၊ ကိုယ်ခန္ဓာ ကြံ့ခိုင်တောင့်တင်းခြင်း များကိုဖြစ်စေပါသည်။ ဆန်ဂျုံနှင့် ယင်းတို့မှထွက်သော ပစ္စည်းများတွင် အမျှင် ဓါတ်များအပြင် ဗိုက်တာမင် ဘီ များပါဝင်သဖြင့် သွေးထဲရှိ LDL ပမာဏကို နည်းပါးစေကာ ဆီးကျိတ်ကင်ဆာကို ကာကွယ်ပေးပါသည်။ ထို့ကြောင့်အမျိုးသားများသည် အစာခြေဖျက်ရန်လွယ်ကူသောအမျှင် ဓါတ် များစွာပါသော အစာများဖြစ်သည် ပန်းသီး ၊ ပဲအမျိုးမျိုး ကို တနေ့လျှင် ၁၀-၂၀ ဂရမ် စားသုံးခြင်းဖြင့် ဆီးကျိတ်ကျန်းမာရေးကို ထိန်းသိမ်းပေးနိုင်ပါသည်။

၇။ ဟင်းသီး ဟင်းရွက်များ

Stanol ကို ဟင်းသီးဟင်းရွက်နှင့် သစ်သီးများတွင် တွေ့ရပြီး ၎င်း သည် သွေးထဲရှိ ကိုလက်စထရော ပမာဏကို ကျစေပါသည်။ ထို့ကြောင့်အမျိုးသားများသည် stanol ပါဝင်သော ဟင်းသီးဟင်းရွက်များ၊ မာဂျရင်း ၊ ဒိန်ချဉ် ၊ လိမ္မော်သီး ဖျော်ရည် များ ကို တစ်နေ့လျှင် ၂ ဂရမ် ခန့် စားသုံးခြင်းဖြင့် အစာအိမ်နှင့် အူလမ်းကြောင်းမှ ကိုလက်စထရော စုပ်ယူမှု ပမာဏကို နည်းစေပြီး သွေးထဲရှိ ကိုလက်စထရော ပမာဏကို များ ပြားလာမှုကို ဟန့်တားပေးနိုင်ပါသည်။

၈ ။ ပဲပိစပ်

ပဲပိစပ်တွင်sioflavoneပါဝင်ပြီး ဆီးကျိတ်ကျန်းမာရေးကိုကောင်းစေကာ ဆီးကျိတ်ကင်ဆာဖြစ်ပေါ်မှုကို လျော့ကျစေပါသည။် လေ့လာချက်များအရ တစ်နေ့လျှင် ပဲဘိစပ် ၂၅ ဂရမ် ကို စားသုံးခြင်းဖြင့် ကိုလက်စထရော ပမာဏကို ကျစေပါပြီး နှလုံးရော ဂါ ဖြစ်ပွားမှုကို နည်းပါးစေ သည်ဟု ဆိုပါသည်။ပဲဘိစပ်အပြင်ပဲဘိစပ်ဖြင့်လုပ်ထားသော အစားအစာများ ဖြစ်သည့် ပဲနို့ ၊ ပဲနှင့် လုပ်ထားသော ချိစ် ၊ တို့ဖူး စသည်တို့ကိုလည်း စားသုံးနိုင်ပါသည်။

၉။ ဘယ်ရီသီး သို့မဟုတ် ချယ်ရီသီး

ခရမ်းရောင် ၊ အပြာရောင် နှင့် အနီရောင် ရှိသော ဘယ်ရီသီး များတွင် antioxidantအမျိုးအစားပေါင်း၄၀၀၀ကျော်နှင့် ဗိုက်တာမင်စီပါဝင်သည့်အတွက် များစွာသောအကျိုးကျေးဇူးများကို ရနိုင်ပေသည်။ ဘယ်ရီသီးမျိုးစုံကို စားသုံးခြင်းဖြင့် အသက်အရွယ် ကြီးမှုကြောင့်ဖြစ်ပေါ်လာသောဦးဏှောက်ပိုင်းဆိုင်ရာ ချို့ယွင်းချက်များ၊ကိုနည်းပါးစေပြီး ဦးဏှောက်ကျန်းမာရေးကို ကောင်းစေပါသည်။

၁၀။ အနီရောင် သို့မဟုတ် လိမ္မော်ရောင် ရှိသော အသီးများ

ယင်းသို့သော အသီးအနှံများတွင် ဗိုက်တာမင်စီ နှင့် ဘီတာကယ်ရိုတင်း (Beta-carotene ) စသော antioxidant များပါဝင်သောကြောင့် အသားအရေကို ကျန်းမာလှပစေပါသည်။ ဗိုက်တာမင်စီသည် အမျှင်ဓါတ်ဖွံ့ဖြိုးမှုတွင် ပါဝင်ပြီး ဘီတာကယ်ရိုတင်း (beta-carotene) သည် ဗိုက်တာမင် အေကို အားဖြည့်ပေးသဖြင့် အရေပြားရှိ ဆဲများ ဖွံ့ဖြိုးမှုကို အထောက်အကူပေးပါသည်။ ထို့ကြောင့် လိမ္မော်ရောင်ရှိသော အသီးအနှံများဖြစ်သည့် ငရုတ်ပွသီးအနီ၊ မုန်လာဥနီ၊ ရွှေဖရုံသီး၊ ကန်စွန်းဥများကို စားသုံးသင့်ပါသည်။ထို့အပြင် ဗိုက်တာမင်စီ၊ ဘီတာကယ်ရိုတင်းနှင့် ပိုတက်စီယမ်ဓါတ်များစွာ ပါဝင်သော အသီးအနှံများသည်လည်း ဆီးကျိတ်ကြီးထွားမှုကို လျော့နည်းစေပါသည်။အမျိုးသားများသည် ထိုသို့သော ကျန်းမာရေးနှင့် ညီညွတ်သည့်အစားအစာများကို စားသုံးခြင်းအပြင် ကိုယ်လက်လှုပ်ရှားမှု များပြုလုပ်ခြင်း ဖြင့် ကိုယ်ခံအားစနစ်ကို ကောင်းစေခြင်း၊ အရိုးများကို သန်မာစေခြင်း ၊ ကြွက်သားများသန်စွမ်း စေခြင်း၊ ပတ်ဝန်းကျင်မှ ရိုက်ခတ်လာသော ဓါတုပစ္စည်းများ၏ ဒဏ်ကိုခံနိုင်ခြင်းတို့ကြောင့်ကျန်းမာသန်စွမ်းသော ဘ၀ကိုပိုင်ဆိုင်ကာ ရောဂါဖြစ်ပွားမှုနှုန်းကိုလည်း လျော့ကျစေမည်ဖြစ်ပါသည်။

မွန်းသက်ပန် (ဆေး-၁)  မှကူးယူမျှဝေသည်